Uchrashuv davomida tomonlar inson huquq va erkinliklarini himoya qilish bo‘yicha ikki taraflama hamkorlikni yanada rivojlantirish, milliy institutlar o‘rtasidagi o‘zaro aloqalarni mustahkamlash masalalari yuzasidan fikr almashdilar.

Uchrashuvda Ombudsman instituti faoliyatining asosiy yo‘nalishlari, fuqarolar murojaatlarini ko‘rib chiqish, buzilgan huquqlarni tiklash, xalqaro hamkorlikni rivojlantirish hamda inson huquqlarini himoya qilishning milliy mexanizmlarini takomillashtirish borasida amalga oshirilayotgan ishlar haqida fikr almashildi.

Shuningdek, Ombudsman institutlari davlat va jamiyat o‘rtasida muhim bog‘lovchi bo‘g‘in ekanini, fuqarolarning huquqlarini himoya qilishda qo‘shimcha kafolat vazifasini bajarishi ta’kidlandi.

Suhbat yakunida tomonlar inson huquqlari yo‘nalishida konstruktiv munosabatlarni yanada kengaytirishga tayyor ekanliklarini tasdiqladilar.

Oliy Majlisning Inson huquqlari bo‘yicha vakili (ombudsman) Axborot xizmati