Muloqotda O‘zbekiston va YXHT DIIHB o‘rtasida inson huquq va erkinliklarini himoya qilish sohasidagi hamkorlikning bugungi holati va uni yanada rivojlantirish istiqbollari muhokama qilindi.

Uchrashuv davomida Ombudsman institutining inson huquqlarini himoya qilish, fuqarolarning huquq va qonuniy manfaatlarini ta’minlash, shuningdek, inson huquqlari buzilishi holatlarining oldini olish borasidagi faoliyati haqida ma’lumot berildi.

Shuningdek, O‘zbekistonda inson huquq va erkinliklarini ta’minlash, aholining huquqiy himoyasini kuchaytirish hamda inson huquqlari sohasidagi milliy institutlar faoliyati samaradorligini oshirishga qaratilgan islohotlar yuzasidan fikr almashildi.

Muloqotda Ombudsman instituti faoliyatida fuqarolik jamiyati institutlari bilan hamkorlikni rivojlantirish, aholining huquqiy xabardorligini oshirish, inson huquqlari bo‘yicha bilim va ko‘nikmalarni mustahkamlashga qaratilgan ma’rifiy tashabbuslarni kengaytirish muhim ahamiyat kasb etishi ta’kidlandi.

Uchrashuv yakunida inson huquqlarini himoya qilish sohasida o‘zaro tajriba almashish, ilg‘or amaliyotlarni o‘rganish va hamkorlikdagi tashabbuslarni amalga oshirishni davom ettirish bo‘yicha kelishuvga erishildi.

Oliy Majlisning Inson huquqlari bo‘yicha vakili (ombudsman) Axborot xizmati