Мулоқотда Ўзбекистон ва ЕХҲТ ДИИҲБ ўртасида инсон ҳуқуқ ва эркинликларини ҳимоя қилиш соҳасидаги ҳамкорликнинг бугунги ҳолати ва уни янада ривожлантириш истиқболлари муҳокама қилинди.

Учрашув давомида Омбудсман институтининг инсон ҳуқуқларини ҳимоя қилиш, фуқароларнинг ҳуқуқ ва қонуний манфаатларини таъминлаш, шунингдек, инсон ҳуқуқлари бузилиши ҳолатларининг олдини олиш борасидаги фаолияти ҳақида маълумот берилди.

Шунингдек, Ўзбекистонда инсон ҳуқуқ ва эркинликларини таъминлаш, аҳолининг ҳуқуқий ҳимоясини кучайтириш ҳамда инсон ҳуқуқлари соҳасидаги миллий институтлар фаолияти самарадорлигини оширишга қаратилган ислоҳотлар юзасидан фикр алмашилди.

Мулоқотда Омбудсман институти фаолиятида фуқаролик жамияти институтлари билан ҳамкорликни ривожлантириш, аҳолининг ҳуқуқий хабардорлигини ошириш, инсон ҳуқуқлари бўйича билим ва кўникмаларни мустаҳкамлашга қаратилган маърифий ташаббусларни кенгайтириш муҳим аҳамият касб этиши таъкидланди.

Учрашув якунида инсон ҳуқуқларини ҳимоя қилиш соҳасида ўзаро тажриба алмашиш, илғор амалиётларни ўрганиш ва ҳамкорликдаги ташаббусларни амалга оширишни давом эттириш бўйича келишувга эришилди.

Олий Мажлиснинг Инсон ҳуқуқлари бўйича вакили (омбудсман) Ахборот хизмати