Mashg‘ulotlar Oliy Majlisning Inson huquqlari bo‘yicha vakili (ombudsman)ning Xorazm, Samarqand, Sirdaryo, Andijon va Farg‘ona viloyatlari hamda Toshkent shahridagi mintaqaviy vakillari tomonidan o‘tkazildi.

Darslar Xorazm viloyati Xonqa tumanidagi 5- va 27-, Samarqand viloyati Tayloq tumanidagi 14- va 51-, Sirdaryo viloyati Mirzaobod tumanidagi 15-, Sirdaryo tumanidagi 9- va Guliston shahridagi 8-, Andijon viloyati Buloqboshi tumanidagi 2-, Farg‘ona viloyati Uchko‘prik tumanidagi 1-, 4-, 20- va 37-, shuningdek, Toshkent shahridagi 154-sonli umumiy o‘rta ta’lim maktablarida tashkil etildi.

“Ombudsman soati” an’anaviy ma’ruza shaklida emas, balki videodarslar, interaktiv o‘yinlar, qiziqarli savol-javoblar hamda foto va videomateriallar asosida o‘tkazildi.

Mashg‘ulotlar davomida o‘quvchilar inson huquq va erkinliklari, ularning qonuniy kafolatlari va himoya mexanizmlari bilan tanishtirildi. Shuningdek, kiberjinoyatchilikdan himoyalanish, internet va ijtimoiy tarmoqlardan xavfsiz foydalanish, huquqbuzarliklarning oldini olish hamda turli salbiy ta’sirlarga tushib qolmaslik bo‘yicha hayotiy misollar asosida tushuntirishlar berildi.

Oliy Majlisning Inson huquqlari bo‘yichavakili

(ombudsman) Axborot xizmati