Tadbir davomida Ombudsmanning 2025 yilgi faoliyatiga bag‘ishlangan videorolik namoyish etildi. Shuningdek, ishtirokchilarga Ombudsman institutining inson huquqlari, erkinliklari va qonuniy manfaatlarini taʼminlashdagi o‘rni, fuqarolar murojaatlari bilan ishlash amaliyoti hamda qiynoq holatlariga qarshi kurashish bo‘yicha O‘zbekiston tajribasi haqida maʼlumot berildi.

Muloqot davomida bo‘lajak ichki ishlar organlari xodimlari faoliyatida inson huquqlariga rioya etish, fuqarolar bilan muloqotda odob-axloq qoidalariga amal qilish, murojaatchilarga hurmat va masʼuliyat bilan yondashish masalalariga alohida eʼtibor qaratildi. Ichki ishlar organlari xodimining har bir harakati inson qadri, qonuniylik va jamoatchilik ishonchi bilan bevosita bog‘liq ekani taʼkidlandi.

Tadbir yakunida ishtirokchilar o‘zlarini qiziqtirgan savollarga javob oldilar.

Oliy Majlisning Inson huquqlari bo‘yicha vakili (ombudsman) Axborot xizmati