Unda 20 nafarga yaqin fuqarolar ish bilan ta’minlash, uy-joy, tibbiy yordam olish, kommunal xizmatlar, tomorqa yerlariga suv yo‘llarni ochish bilan bog‘liq masalalarda murojaat qilishdi.

Shu kuni Qo‘shko‘pir tumanidagi Gʻazovot va Shix qishloqlarida huquqiy bilimlarini oshirishga qaratilgan “Ombudsman maktabi” tadbirlari ham tashkil etildi. Tadbirlarda “Shixobod”, “Bogzor”, “Yoshlik”, “Sherobod”, “Begobod”, “Ilgaldi”, “Mehnatobod”, “Paxtakor” va “Do‘stlik” MFYda yashovchi fuqarolar qamrab olindi. 

Tadbirda ishtirok etgan mas’ul idora vakillari ishtirokchilarni mehnat huquqlarini himoya qilish, xotin-qizlarni qo‘llab-quvvatlash borasida amalga oshirilgan ishlar, aholini ijtimoiy qo‘llab-quvvatlash bo‘yicha qonun hujjatlarining mazmun-mohiyati bilan tanishtirishdi. 

Fuqarolar bilan ochiq muloqot shaklida o‘tgan tadbirlarda ushbu chekka hududlardan Ombudsmanga yuborilgan murojaatlarda ko‘tarilgan masalalarga ham alohida e’tibor qaratildi.

Oliy Majlisning Inson huquqlari bo‘yicha vakili (ombudsman) Axborot xizmati