Унда 20 нафарга яқин фуқаролар иш билан таъминлаш, уй-жой, тиббий ёрдам олиш, коммунал хизматлар, томорқа ерларига сув йўлларни очиш билан боғлиқ масалаларда мурожаат қилишди.

Шу куни Қўшкўпир туманидаги Ғазовот ва Ших қишлоқларида ҳуқуқий билимларини оширишга қаратилган “Омбудсман мактаби” тадбирлари ҳам ташкил этилди. Тадбирларда “Шихобод”, “Богзор”, “Ёшлик”, “Шеробод”, “Бегобод”, “Илгалди”, “Меҳнатобод”, “Пахтакор” ва “Дўстлик” МФЙда яшовчи фуқаролар қамраб олинди. 

Тадбирда иштирок этган масъул идора вакиллари иштирокчиларни меҳнат ҳуқуқларини ҳимоя қилиш, хотин-қизларни қўллаб-қувватлаш борасида амалга оширилган ишлар, аҳолини ижтимоий қўллаб-қувватлаш бўйича қонун ҳужжатларининг мазмун-моҳияти билан таништиришди. 

Фуқаролар билан очиқ мулоқот шаклида ўтган тадбирларда ушбу чекка ҳудудлардан Омбудсманга юборилган мурожаатларда кўтарилган масалаларга ҳам алоҳида эътибор қаратилди.

Олий Мажлиснинг Инсон ҳуқуқлари бўйича вакили (омбудсман) Ахборот хизмати