Ushbu bo‘limda hozirda farzandlari bilan birga 11 nafar ayol yashamoqda. Ularning huquqiy bilim va ko‘nikmalarini oshirish, ruhiy holatini barqarorlashtirish hamda ijtimoiy moslashuviga ko‘maklashish maqsadida tadbirda Ombudsman devoni xodimlari, uning Toshkent shahridagi mintaqaviy vakili bilan birgalikda Ijtimoiy himoya milliy agentligi, Oila va xotin-qizlar qo‘mitasi Toshkent shahar boshqarmasi, shuningdek “Dialog” nodavlat notijorat tashkiloti vakillari va psixologlar ham ishtirok etishdi.

Uchrashuv davomida zo‘ravonlik qurbonlarini qo‘llab-quvvatlash bo‘yicha huquqiy maslahatlar berildi, mavjud imkoniyat va imtiyozlar haqida tushuntirildi. Shu bilan birga, zo‘ravonlik holatlarining sabablari atroflicha muhokama qilindi. Ayollar bilan suhbatlarda bugungacha ko‘proq jabrlanuvchilarga eʼtibor qaratilgani, ammo zo‘ravonlarni ham tartibga chaqirish va ular bilan ishlash zarurligi alohida taʼkidlandi.

Psixologlar tomonidan ayollarga terapiya mashg‘ulotlari o‘tkazilib, ularning ruhiy holatini barqarorlashtirish maqsadida ular bilan alohida ishlandi.

“Tenglik va hurmat” platformasi doirasidagi “Huquqiy yordam ko‘prigi” tadbirlari respublika bo‘ylab tizimli ravishda o‘tkazilmoqda.

Oliy Majlisning Inson huquqlari bo‘yicha vakili (ombudsman) Axborot xizmati