Ana shu tahlillar asosida 2025 yil 5 may kuni Surxondaryo viloyatining Denov tumanida navbatdagi “Ombudsman maktabi” tadbiri tashkil etildi.

Ushbu tadbir fuqarolar murojaatlarida ko‘tarilgan masalalarni joyida o‘rganish, tegishli tashkilotlar bilan hamkorlikda yechim topish, aholining huquqiy xabardorligini oshirish orqali murojaatlar sonini kamaytirishga qaratilgani bilan ahamiyatlidir.

“Mehr-oqibat”, “To‘palang”, “Zarafshon”, “O‘rikzor”, “Bobir”, “Cho‘ntosh”, “Ozod”, “Guliston”, “Lolazor” va “Bog‘inav” mahallalaridan jami 250 nafar fuqaro ishtirok etgan ochiq muloqotda ijtimoiy xizmatlardan foydalanish, uy-joy bilan taʼminlash, ishlab chiqarish va xizmat ko‘rsatishni yo‘lga qo‘yish, imtiyozli kreditlar, yoshlarni qo‘llab-quvvatlash kabi mavzularda huquqiy tushuntirishlar berildi.

Shuningdek, ishtirokchilar “O‘zbekiston Respublikasi Oliy Majlisining Inson huquqlari bo‘yicha vakili (Ombudsman) to‘g‘risida”gi hamda “O‘zboshimchalik bilan egallab olingan yer uchastkalari va ularda qurilgan inshootlarga bo‘lgan huquqlarni eʼtirof etish to‘g‘risida”gi qonunlar mazmun-mohiyati bilan tanishtirildi.

Fuqarolar bilan ochiq muloqotlar chog‘ida Ombudsmanga yuborilayotgan murojaatlarda ko‘tarilayotgan masalalarga alohida eʼtibor qaratildi.

Oliy Majlisning Inson huquqlari bo‘yicha vakili (ombudsman) Axborot xizmati