Inson huquqlarini himoya qilish borasidagi yangi qonunchilik mexanizmlariga jamoatchilik eʼtiborini qaratish maqsadida o‘tkazilgan tadbirda senator va deputatlar, davlat organlari, mahalliy hokimiyat vakillari, sud, huquqni muhofaza qiluvchi organlar va fuqarolik jamiyati vakillari ishtirok etishdi.

Tadbirda taʼkidlanishicha, yangilangan O‘zbekiston Respublikasi Konstitutsiyasida har bir insonning huquqlari, erkinliklari va qonuniy manfaatlarini yana-da yuqori darajada kafolatlangan. Unda inson huquqlariga oid normalar 3,5 barobarga oshib, 50 dan ortiq normalarda o‘z aksini topgan.

Taʼkidlash lozimki, 2024 yilning 15 noyabr kuni Davlat rahbari tomonidan imzolangan “O‘zbekiston Respublikasi Oliy Majlisining Inson huquqlari bo‘yicha vakili (ombudsman) to‘g‘risida”gi qonuni ham Konstitutsiyaga muvofiqlashtirilgan.

Tadbirda davlat tashkilotlari va fuqarolik jamiyati institutlari o‘rtasidagi hamkorlik kuchaytirish, jamoatchilik nazoratini mustahkamlash bo‘yicha o‘zaro fikr almashildi.

Oliy Majlisning Inson huquqlari bo‘yicha vakili (ombudsman) Axborot xizmati