Tadbirda dastlab, ishtirokchilarga O‘zbekiston Respublikasining “O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni eʼtirof etish to‘g‘risida”gi Qonunining mazmun-mohiyati va ahamiyati, tegishli maʼmuriy tartib-taomillar tushuntirildi.

Qayd etish lozimki, “Ombudsman maktabi” tadbirlarida aholi xabardorligini oshirishga qaratilgan mavzular ushbu hududdan yuborilgan murojaatlar mazmunidan kelib chiqib tanlanadi.

“Ombudsman maktabi” doirasida Ombudsman mintaqaviy vakilining hamda  tuman hokimi va Davlat kadastrlar palatasining Sirdaryo viloyati boshqarmasi boshlig‘ining fuqarolar qabullari tashkil etildi va fuqarolar murojaatlari qabul qilindi.

Oliy Majlisning Inson huquqlari bo‘yicha vakili (ombudsman) Axborot xizmati