Shu munosabat bilan, 2024-yilning 29-may kuni “Ombudsman maktabi” loyihasi doirasidagi navbatdagi tadbir Toshkent shahrining Olmazor tumanidagi Islom Karimov nomidagi Toshkent davlat texnika universiteti binosida o‘tkazildi.

Talaba yoshlar bilan o‘tkazilgan ochiq muloqotda Oliy Majlisning Inson huquqlari bo‘yicha vakili (ombudsman), Korrupsiyaga qarshi kurashish agentligi, “Taraqqiyot strategiyasi” markazi, Yoshlar ishlari agentligi vakillari va OAV ishtirok etishdi.

Dastlab, tadbirda “O‘zbekiston – 2030” strategiyasining mazmun-mohiyati va  ahamiyati bo‘yicha atroflicha maʼlumotlar berildi.

Shundan so‘ng, tegishli masʼul idora vakillari ishtirokchilarni yoshlarning huquqiy madaniyatini oshirish, ularda korrupsiyaga nisbatan toqatsiz munosabatni shakllantirish, O‘zbekistonda yoshlarni qo‘llab-quvvatlash borasidagi imkoniyat va imtiyozlar borasidagi qonun hujjatlari mazmun-mohiyati bilan tanishtirishdi.

Savol-javoblarga boy tarzda, erkin muloqot shaklida o‘tkazilgan ochiq muloqotda mazkur universitetda taʼlim oluvchi 150 nafarga yaqin yoshlar qamrab olindi.

Oliy Majlisning Inson huquqlari bo‘yicha vakili (ombudsman) Axborot xizmati