Uchrashuvda Ombudsmanning Farg‘ona viloyatidagi mintaqaviy vakili, viloyat IIB Jamoat xavfsizligi xizmati probatsiya boshqarmasi, Ijtimoiy himoya milliy agentligi viloyat boshqarmasi hamda O‘zbekiston musulmonlari idorasining hududiy vakilligi xodimlari ishtirok etdi.

Muloqot davomida ishtirokchilarga oilaviy nizolarni zo‘ravonliksiz hal etish, o‘zaro hurmat va muloqot madaniyati, oila oldidagi masʼuliyat, shuningdek zo‘ravonlikning huquqiy oqibatlari haqida tushuntirishlar berildi.

Ayniqsa, har bir ishtirokchi bilan individual suhbat o‘tkazilib, ularga huquqiy va psixologik yordam ko‘rsatildi. Suhbatlarda oiladagi nizolarning sabablari, g‘azab va hissiyotlarni boshqarish, turmush o‘rtog‘i va farzandlar bilan munosabatlarni sog‘lom asosda qurish masalalari muhokama qilindi.

“Tenglik va hurmat” platformasi doirasida zo‘ravonlikning oldini olishda jabrlangan ayollarni qo‘llab-quvvatlash bilan birga, zo‘ravonlik sodir etgan shaxslar bilan ham individual ishlash yo‘nalishiga eʼtibor qaratilmoqda.

Oliy Majlisning Inson huquqlari bo‘yicha vakili (ombudsman) Axborot xizmati