“Yangi O‘zbekistonning eng katta natijasi — bu o‘zgargan inson, o‘z kuchiga ishongan fuqaro, ertangi kunga daxldorligini his qilayotgan jamiyatdir!”

Davlatimiz rahbari inson qadri ulug‘langan, adolat va taraqqiyotga tayangan Yangi O‘zbekistonni barpo etish yo‘lidan xalqimiz bilan birgalikda dadil borilayotganini ta’kidladi.

Bu tamoyillar inson huquq va erkinliklarini ta’minlash, fuqarolarning huquq va qonuniy manfaatlarini himoya qilishga qaratilgan islohotlarning ham mazmun-mohiyatini belgilab bermoqda.

Prezidentimiz davlat mukofotini olgan har bir insonning mehnati va ko‘rsatgan jasorati alohida e’tirofga munosib ekanini ta’kidlab, yurtimiz bo‘ylab unvon, orden va medallarni qabul qilib olayotgan yurtdoshlarimizni ham samimiy tabrikladi.

“Ko‘ksingizga yarashib turgan yuksak unvon, orden va medallarga odamlar havas bilan qaraydi, yoshlarimiz sizlarga o‘xshashga intiladi. Bu sizlarga kelgusi ishlaringizda yangi kuch-g‘ayrat va ilhom beradi deb ishonaman.”

– dedi davlatimiz rahbari marosim yakunida