Monitoring tashriflarida qayd etilgan muassasalarda saqlanayotgan shaxslarning yotoq joylari, yuvinish xonalari, oshxona, tibbiyot bo‘limi, oziq-ovqat mahsulotlari va dori-darmon vositalari bilan ta’minlanganligi hamda saqlash sharoitlari, kutubxona, madaniy dam olish, telefon orqali so‘zlashuv, uzoq va qisqa muddatli uchrashuv hamda tintuv, tergov va advokatlar xonalari, shuningdek, sayilgohdagi shart-sharoitlar, muassasalar hududida o‘rnatilgan videokuzatuv kameralarining holati ko‘zdan kechirildi.

O‘rganish jarayonida Qorako‘l tumanidagi Erkaklar muruvvat uyida ayrim kamchiliklar aniqlandi. Jumladan, muassasa oshxonasi ta’mirdan chiqqaniga qaramasdan, u yerdagi gaz plitalarining nosozligi sababli ovqatlar tashqi hududdagi vaqtinchalik va talab darajasida jihozlanmagan sharoitda tayyorlanayotgani ma’lum bo‘ldi.

Shuningdek, “Ombudsman quti”larida qoldirilgan hamda holi tarzda o‘tkazilgan qabullar orqali kelib tushgan murojaatlar nazoratga olindi. Ayrim murojaatlar bo‘yicha joyida huquqiy tushuntirishlar berildi.

Monitoring yakunlariga ko‘ra aniqlangan kamchiliklar yuzasidan tegishli vazirlik va idoralarga Ombudsman ta’sir choralari shaklidagi hujjatlar kiritilishi ma’lum qilinadi.

Oliy Majlisning Inson huquqlari bo‘yicha vakili (ombudsman) Axborot xizmati.