Loyiha doirasidagi navbatdagi ochiq muloqot 2025 yil 27 avgust kuni viloyatning chekka hududi hisoblangan Buloqboshi tumanida o‘tkazildi. Unda “Uchtepa”, “Qashqar”, “Zarg‘aldoq”, “Yuksalish”, “Tinchlik”, “Yorboshi”, “Bozorboshi”, “Rivoj”, “Istiqlol”, “Sanoat”, “Shirmonbuloq” va “Balandchek” mahallalaridan 200 nafarga yaqin fuqaro ishtirok etdi.
Tadbirda kiberjinoyatchilik va moliyaviy firibgarliklarning oldini olish, mehnat migratsiyasi jarayonlarini qonuniy asosda tashkil etish hamda Prezidentning 2025 yil 4 avgustda qabul qilingan “Mehnat munosabatlari va kasbga tayyorlash tizimini takomillashtirish hamda ish beruvchilarni rag‘batlantirishga oid qo‘shimcha chora-tadbirlar to‘g‘risida”gi farmoni mazmun-mohiyati haqida aholiga huquqiy tushunchalar berildi.
Maʼruzalar aholiga sodda va hayotiy misollar orqali tushuntirildi. Shuningdek, fuqarolar tomonidan berilgan qator savollarga ham batafsil javoblar berildi.
Oliy Majlisning Inson huquqlari bo‘yicha vakili (ombudsman) Axborot xizmati
