Sayt test rejimida ishlamoqda / Сайт тест режмида ишламоқда / The site is running in test mode / Сайт работает в тестовом режиме
TelegramTwitterphoneInstagramYouTubeFacebook
Ochiq muloqot: fuqarolar Ombudsmanga qanday masalalarda murojaat yuborishmoqda?
Ombudsmanga yuborilayotgan murojaatlar hududlar kesimida tahlil qilinganda eng ko‘p murojaatlar aholi bandligini ta’minlash, ijtimoiy yordam olish, yoshlarni qo‘llab-quvvatlash, pensiya, sud jarayonlari hamda uy-joy bilan bog‘liq masalalarga to‘g‘ri kelayotgani ma’lum bo‘ldi. Shu sababli “Ombudsman maktabi” tadbirlarida ayni shu mavzular tanlab olinib, tegishli tashkilot vakillari jalb qilindi hamda mazkur tadbirlarda aholiga qulayliklar yaratish borasida ularga berilayotgan imkoniyat va imtiyozlar haqida huquqiy xabardorligi oshirildi.

O‘tgan hafta davomida Farg‘ona, Xorazm, Samarqand va Andijon viloyatlarida “Ombudsman maktabi” tadbirlari tashkil etildi.

Mazkur tadbirlar doirasida fuqarolar qabullari ham tashkil etilib, aholini qiynayotgan masalalar bo‘yicha tegishli tashkilot vakillariga bevosita murojaat qilish imkoniyati yaratilmoqda.

Ochiq muloqotlarda Farg‘ona viloyati Uchko‘prik tumanidan “Begobod”, “Katta Kenagas”, “Kichik Kenagas”, “Bog‘i Bo‘ston”, “Oltin Vodiy” mahallalari, Xorazm viloyati Urganch shahridan “Mustaqillik”, “Feruz”, “Ma’rifat”, “Yuqori-bog‘”, “Shodlik”, “Gulshan”, “Yangi hayot” Samarqand viloyati Ishtihon tumanidan “Qo‘chqor Qarshiyev”, “Orlot” va “Qiyot” hamda Andijon viloyati Marhamat tumanidan “Mingtepa”, “O‘zbekiston”, “Turon”, “Guliston” mahallarida yashovchi jami 500 nafarga yaqin fuqarolar ishtirok etishdi.

Tadbirlarda, shuningdek, “Uy-joy sotib olish uchun fuqarolarga subsidiya to‘lash tartibi to‘g‘risida”gi hamda “O‘zboshimchalik bilan egallangan yer uchastkalari hamda ularda qurilgan bino va inshootlarga bo‘lgan huquqlarni e’tirof etish to‘g‘risida”gi O‘zbekiston Respublikasi qonunlarining mazmun-mohiyati ham tushuntirildi.

Tadbir doirasida Ombudsmanning hududlardagi mintaqaviy vakillari tomonidan fuqarolar qabuli ham tashkil etilib, 50 dan ortiq murojaatlar qabul qilindi.

Oliy Majlisning Inson huquqlari bo‘yicha vakili (ombudsman) Axborot xizmati