Endryu Djeremi Grey Ombudsman institutining ahamiyatini taʼkidlab, uning davlat tomonidan qo‘llab-quvvatlanayotganini ijobiy baholadi. U, shuningdek, ishchi migrantlar huquqlarini himoya qilish, ularga huquqiy taʼlim berish va qonunchilikni tushuntirishga qaratilgan bir qator amaliy loyihalarni amalga oshirgani hamda O‘zbekistonning migratsiya strategiyasi loyihasini ishlab chiqishda o‘z hissasini qo‘shgani haqida maʼlum qildi.

Shuningdek, uchrashuvda noqonuniy migratsiyaning oldini olish va odam savdosiga qarshi kurashishga yo‘naltirilgan ishlar muhokama qilindi. Hamkorlikni mustahkamlash, aholiga huquqiy xabardorlikni oshirish uchun qo‘llanma ishlab chiqish va tadbirlar tashkil etish mavzulari ko‘rib chiqildi.

Oliy Majlisning Inson huquqlari bo‘yicha vakili (ombudsman) Axborot xizmati