Sayt test rejimida ishlamoqda / Сайт тест режмида ишламоқда / The site is running in test mode / Сайт работает в тестовом режиме
TelegramTwitterphoneInstagramYouTubeFacebook
Омбудсман БМТ Миграция бўйича халқаро ташкилоти ваколатхонаси раҳбари билан учрашди
Бугун, 2 апрель куни Олий Мажлиснинг Инсон ҳуқуқлари бўйича вакили (омбудсман) Феруза Эшматова БМТнинг Миграция бўйича халқаро ташкилотининг Тошкентдаги ваколатхонаси раҳбари Эндрю Джереми Грей билан учрашди.

Эндрю Джереми Грей Омбудсман институтининг аҳамиятини таъкидлаб, унинг давлат томонидан қўллаб-қувватланаётганини ижобий баҳолади. У, шунингдек, ишчи мигрантлар ҳуқуқларини ҳимоя қилиш, уларга ҳуқуқий таълим бериш ва қонунчиликни тушунтиришга қаратилган бир қатор амалий лойиҳаларни амалга оширгани ҳамда Ўзбекистоннинг миграция стратегияси лойиҳасини ишлаб чиқишда ўз ҳиссасини қўшгани ҳақида маълум қилди.

Шунингдек, учрашувда ноқонуний миграциянинг олдини олиш ва одам савдосига қарши курашишга йўналтирилган ишлар муҳокама қилинди. Ҳамкорликни мустаҳкамлаш, аҳолига ҳуқуқий хабардорликни ошириш учун қўлланма ишлаб чиқиш ва тадбирлар ташкил этиш мавзулари кўриб чиқилди.

Олий Мажлиснинг Инсон ҳуқуқлари бўйича вакили (омбудсман) Ахборот хизмати