Uchrashuvda "Ombudsman klubi" aʼzolari ham ishtirok etishdi. Ular darsdan so‘ng Ombudsman instituti mutaxassislariga biriktirilgan holda murojaatlar bilan ishlash, qabullarda ishtirok etish, jazoni ijro etish muassasalariga o‘tkaziladigan monitoring tashriflarini kuzatish kabi yo‘nalishlarda o‘z ko‘nikmalarini oshirishlari mumkin.
Mazkur xalqaro davra suhbati inson huquqlarini taʼminlash va himoya qilish yo‘nalishida talabalarga xalqaro tajribani o‘rgatish hamda O‘zbekiston va Finlyandiya Ombudsmanlari faoliyati bilan yaqindan tanishish uchun muhim platforma hisoblanadi.
Uchrashuv qizg‘in munozara va savol-javoblarga boy tarzda o‘tdi. Talabalar spikerlarga inson huquqlarini himoya qilishning dolzarb masalalari, xalqaro standartlar va milliy qonunchilikka oid savollar bilan murojaat qilishdi. Xorijiy ekspertlar esa o‘z tajribalari va amaliy tavsiyalari bilan ishtirokchilarni qiziqtirgan masalalar yuzasidan javob berishdi.
Oliy Majlisning Inson huquqlari bo‘yicha vakili (ombudsman) Axborot xizmati
