2024-yil 1-noyabr kuni Xorazm viloyatining Yangiariq tumani aholisi uchun “Ombudsman maktabi” loyihasi doirasida tadbir o‘tkazildi. Unda tumanning “Urganch”, “Sardorlar”, “Chaqir”, “Vakillar”, “Qora go‘z”, “Do‘stlik”, “Gulbog‘”, “Yangiobod”, “Qo‘shloq”, “Boyot”, “Xo‘jalar”, “Tuzloq” va “Sherobod” mahallalarida yashovchi 100 nafardan ortiq fuqarolar qamrab olindi.

Fuqarolar bilan ochiq muloqot shaklida o‘tgan tadbirda ushbu hududdan Ombudsmanga yuborilgan murojaatlarda ko‘tarilgan masalalarga alohida eʼtibor qaratildi. Aholi tomonidan berilgan barcha savollarga masʼullar tomonidan batafsil javob berildi.

Shundan so‘ng, Ombudsmanning Xorazm viloyatidagi mintaqaviy vakili sayyor qabul o‘tkazib, fuqarolar murojaatlarini qabul qildi.

Oliy Majlisning Inson huquqlari bo‘yicha vakili (Ombudsman) Axborot xizmati