Мурожаатда қайд этилишича, унинг фарзанди И.Э. оғир хасталиги сабабли 2024 йил 28 октябрь куни 1-гуруҳ ногиронлиги олиб, мазкур ногиронликнинг амал қилиш муддати тугаши арафасида қайта тиббий кўриклардан ўтказилган ва ҳужжатлари белгиланган тартибда тегишли комиссияга тақдим этилган.

Бироқ фуқаронинг айтишича, ички ишлар органлари томонидан вақтинча рўйхатга қўйилгани ҳақидаги қонуний далолатнома электрон тизимда кўринмагани важ қилиниб, фарзандига ногиронликни узайтириш масаласи чўзилиб кетган. Натижада у ногиронлик нафақасини ҳам ололмаган.

Мурожаат Омбудсманнинг Сурхондарё вилоятидаги минтақавий вакили томонидан назоратга олиниб, вилоят соғлиқни сақлаш тизими масъуллари билан биргаликда ўрганилди. Шундан сўнг фуқаронинг ҳужжатлари қайта расмийлаштирилиб, тегишли тиббий-ижтимоий эксперт комиссиясига қайта юборилди.

Кўрилган амалий чоралар натижасида 2026 йилдан бошлаб фуқаро И.Э.га 1-гуруҳ ногиронлиги қайта белгиланди ва мурожаат ижобий ҳал этилди.

Олий Мажлиснинг Инсон ҳуқуқлари бўйича вакили (омбудсман) Ахборот хизмати