Аниқланишича, тергов ҳибсхонасида хўжалик ишларига жалб қилинган маҳкумлар учун яқинлари билан узоқ муддатли учрашув хоналари ташкил этилган. Шунингдек, фуқаролар қабулхонасига рентген аппарати ўрнатилган бўлиб, бу йўқлов ва почталарни қабул қилиш жараёнларини тезлаштирмоқда. Бундан ташқари, маҳкум ва маҳбуслар электрон дўкон орқали ҳам маҳсулот харид қилишлари мумкин.
Навбатдаги мониторинг объекти Хоразм вилояти ИИБ Маъмурий қамоққа олинган шахсларни сақлаш учун мўлжалланган махсус қабулхонаси бўлди.
Камераларга кирилганда иссиқлик тизими яхши ишлаётгани маълум бўлди. Шунингдек адвокат билан учрашув хоналарига видеокамералар ўрнатилмагани, тергов хонасида эса видеокамералар борлиги аниқланди. Мониторингда маъмурий қамоқхонадаги яшаш ва тиббий хизматдан фойдаланиш шароитлари ҳам ўрганилди.
Мониторинг ташрифлари якунларига кўра мутасадди вазирлик ва идораларга Омбудсманнинг тавсиялари киритилади.
Олий Мажлиснинг Инсон ҳуқуқлари бўйича вакили (омбудсман) Ахборот хизмати
