Qabulda fuqarolar pensiya, ijtimoiy yordam olish, sud-huquq, mulkiy munosabatlarga oid hamda boshqa murojaatlarini qoldirishdi. Ularning keltirgan vajlari va taqdim etgan hujjatlari asosida tegishli tushuntirishlar berildi. Qo‘shimcha o‘rganishni talab qiluvchi murojaatlar belgilangan tartibda ko‘rib chiqish uchun qabul qilindi.

Eslatib o‘tamiz, fuqarolar Ombudsmanga ombudsman.uz rasmiy sayti hamda “Ombudsman.uz” mobil ilovasi orqali elektron shaklda murojaat yuborishlari mumkin. Shuningdek, fuqarolar hududlarda Ombudsmanning mintaqaviy vakillariga bevosita murojaat qilish imkoniyatiga ega. Mintaqaviy vakillarning F.I.O., qabul manzillari, telefon raqamlari va qabul kunlari haqidagi maʼlumotlar ombudsman.uz saytining “Mintaqaviy vakillar” bo‘limida joylashtirilgan.

Oliy Majlisning Inson huquqlari bo‘yicha vakili (ombudsman) Axborot xizmati