Unda hibsxonada saqlanayotgan voyaga yetmaganlar, 60 yoshdan oshgan, nogironligi bo‘lgan shaxslar, ayollar, surunkali kasalligi bo‘yicha dispanser kuzatuviga olinganlar hamda sog‘ligidan shikoyat qilgan jami 72 nafardan ortiq shaxslar tibbiy ko‘rikdan o‘tkazildi.

Ushbu tibbiy ko‘rikka Qoraqalpog‘iston Respublikasi Sog‘liqni saqlash vazirligining terapevt, xirurg, nevropatolog, LOR, okulist, stomatolog, kardiolog, endokrinolog, akusher-ginekolog kabi 10 nafarga yaqin malakali shifokorlar guruhi jalb etildi. Shuningdek, hibsxonada saqlanayotgan shaxslar ultratovush tekshiruvi (UTT) uskunasi yordamida tekshiruvdan o‘tkazildi.

Tibbiy tekshiruvlar natijasiga ko‘ra, 2 nafar shaxsga ruhiy-psixologik kasalligi bilan bog‘liq tashxis qo‘yildi, 5 nafar shaxsga qo‘shimcha instrumental-laborator tekshiruvlaridan o‘tish, 11 nafar shaxsga ambulator tartibda davolanish hamda 18 nafar shaxsga muolajalarni davom ettirish tavsiya qilindi.

Tashrif doirasida hibsxonadagi 13 nafar xo‘jalik ishlariga jalb qilingan mahkumlar bilan suhbatlashib, ularning mehnat sharoitlarini yaxshilash bo‘yicha takliflari eshitildi.

Shuningdek, mazkur hududdagi “Ombudsman quti”siga arizasi kelib tushgan 2 nafar mahbus bilan uchrashilib, ularning murojaatlari ijobiy hal qilishga erishildi.

Oliy Majlisning Inson huquqlari bo‘yicha vakili (ombudsman) Axborot xizmati