Ombudsmanga taqdim etilgan yakuniy maʼlumotlarga ko‘ra, fuqaro T.Xaitovning 25.02.2025 yilda Sariosiyo tumani tibbiyot birlashmasida vafot etganligi holati yuzasidan tuman prokuraturasi tomonidan tergovga qadar tekshiruv harakatlari yakunlangan.

Sud-tibbiy ekspertizasining 17.03.2025 yildagi xulosasiga ko‘ra, T.Xaitovning o‘limiga gipertoniya kasalligi sababli yurak o‘ng qorincha old devorida mavjud bo‘lgan kardioskleroz o‘choq sohasidan yorilishi, yurak tamponadasi, yaʼni yurak xaltasining qon va qon laxtalari bilan to‘lishi va yurakning yurak xaltasida siqilishi natijasida kelib chiqqan. Shuningdek xulosada marhumning tanasida tan jarohatlari va uning qoldirgan izlari yo‘qligi ko‘rsatilgan.

Tekshiruv natijasiga ko‘ra, mazkur holatda biror - bir shaxsning harakatida jinoyat tarkibi aniqlanmaganligi sababli 25.03.2025 yilda JPKning 83-moddasi 2-bandiga asosan jinoyat ishi qo‘zg‘atishni rad qilish haqida qaror qabul qilingan.

Oliy Majlisning Inson huquqlari bo‘yicha vakili (ombudsman) Axborot xizmati