Aniqlanishicha, joriy yilning 14 fevral kuni fuqaro Sh.O. Farg‘ona shahar Jo‘ydam MFYda joylashgan ekin yer maydoni chetidagi terak daraxtlarni kestirayotgan vaqtida, ushbu yer maydoning sobiq egasi fuqaro U.E. terak daraxtlari unga tegishli ekanligi xususida janjallashib ketishgan

Janjal davomida E.U. fuqaro Sh.O.ning bosh qismiga tosh bilan urib, tan jarohati yetkazgan. Ko‘rsatilgan birinchi tez-tibbiy yordamga qaramasdan Sh.O. shifoxonada vafot etgan.

Sud tibbiy ekspertizaning dastlabki xulosasiga ko‘ra, Sh.O.ning o‘limiga bosh qismidan olgan og‘ir tan jarohatlari sabab bo‘lganligi ko‘rsatilgan. Shuningdek, mazkur holat yuzasidan E.U.ga nisbatan Farg‘ona shahar prokuraturasi tomonidan Jinoyat kodeksining 97-moddasi 1-qismi bilan jinoyat ishi qo‘zg‘atilib, qamoqqa olingan.

Ushbu holat Ombudsman tomonidan nazoratga olinib, JPK talablariga ko‘ra ko‘rib chiqilishi bo‘yicha Farg‘ona viloyat prokuraturasiga nazorat xati kiritildi.

Oliy Majlisning Inson huquqlari bo‘yicha vakili (ombudsman) Axborot xizmati