Sayyor qabulda 2-guruh nogironi bo‘lgan mahkum A.O‘. 2022 yilning dekabr oyida sud tomonidan ozodlikdan mahrum etilgani va 2 oy davomida pensiyasi  to‘lanmay kelinayotgani bo‘yicha murojaat qilgan.

Fuqaro arizasi yuzasidan Ombudsman mintaqaviy vakili tomonidan nazoratga olinib, Byudjetdan tashqari pensiya jamg‘armasining Zomin tuman bo‘limiga murojaat qilindi.

Ombudsmanga maʼlum qilinishicha, fuqaro A.O‘.ning “Pensiya ishi” jildi BTPJ Zafarobod tuman bo‘limiga yuborilganligi sababli kechikkan. Ombudsman mintaqaviy vakilining murojaatidan so‘ng, mahkumning 2022 yil dekabr oyi, 2023 yil yanvar – mart oylari uchun pensiya pullari shu yilning mart oyida to‘liq to‘langan.

Oliy Majlisning Inson huquqlari bo‘yicha vakili (ombudsman) Axborot xizmati