O‘zbekiston tashqi siyosatida milliy manfaatlardan kelib chiqib, nafaqat xorijiy davlatlar, balki yirik xalqaro tashkilotlar bilan ham o‘zaro hamkorlikni yana-da rivojlantirishga ustuvor ahamiyat qaratilmoqda.
Yangilangan Konstitutsiyamizda har bir shaxsning huquqlari va erkinliklari teng eʼtirof etilgan va himoyalangan. Boshqacha aytganda, har bir insonning huquqlari ustuvor bo‘lib, davlatning fuqarolarga nisbatan adolatli va teng munosabatda bo‘lishini kafolatlaydi. Bu esa, o‘z navbatida, davlatning qabul qilgan har bir qarori va harakati insonning fundamental huquqlari taʼminlanganligini anglatadi.
Kuni kecha poytaxtimizda Oliy Majlisning Inson huquqlari bo‘yicha vakili (Ombudsman) institutining 29 yilligi munosabati bilan “Inson huquqlari–davlatlar barqaror rivojlanishining muhim omili” mavzusida xalqaro konferensiya bo‘lib o‘tdi.
O‘zbekiston xalqi, inson, uning hayoti, erkinligi, shaʼni va qadr-qimmati oliy qadriyat hisoblanadigan insonparvar demokratik davlat, ochiq va adolatli jamiyatni barpo etish masʼuliyatini olgan. Yangi tahrirda qabul qilingan O‘zbekiston Respublikasi Konstitutsiyasi muqaddimasiga muhrlangan ushbu satrlar mamlakatimizda amalga oshirilayotgan islohotlar asosini tashkil etadi.
Mamlakatimizda insonning shaʼni va qadr-qimmati daxlsizligi, hech narsa ularni kamsitish uchun asos bo‘lishi mumkin emasligi, “Inson qadri uchun” tamoyili Konstitutsiyada, qonunlarimizda va davlat idoralari faoliyatida bosh mezon bo‘lishi shartligi Davlat rahbarining qatʼiy talabidir. Shu nuqtai nazardan, yurtimizda amalga oshirilayotgan islohotlar, jumladan, konstitutsiyaviy jarayonlar natijasida, Bosh qomusimizda inson qadri, manfaati uchun xizmat qiladigan normalar amaldagisidan 3 baravarga ko‘paydi.
