Мониторингда Қоровулбозор туманидаги 17-сон ҳамда Когон туманидаги 1-сон жазони ижро этиш колониялари, Бухоро шаҳридаги 4-сон тергов ҳибсхонасидаги шарт-шароитлар ўрганилди.

Ташрифлар чоғида ушбу муассасаларда сақланаётган шахсларнинг яшаш шароитлари ва озиқ-овқат таъминоти, тиббий хизматдан фойдаланиш имкониятларига эътибор қаратилди.

Шунингдек, муассасалрнинг шахсларни сақлаш камералари ва тиббиёт хоналарининг ҳолати, видеокузатув тизимларининг ишлаши ҳамда шахсларни кўрикдан ўтказиш тартиблари ўрганилди.

Мониторинг жараёнида ушбу муассасаларга ўрнатилган “Омбудсман қути”лари орқали келиб тушган мурожаатлар кўриб чиқилди ва муассасаларда сайёр қабуллар ўтказилиб, мурожаатлар қабул қилинди.

Омбудсман томонидан қийноққа солиш ҳолларининг олдини олиш бўйича ўтказилган мониторинг ташрифлари якунлари асосида тайёрланган таҳлилий маълумотлар, жумладан, мониторинг жараёнида аниқланган камчиликлар юзасидан масъул вазирлик ва идораларга Омбудсманнинг тегишли таъсир чоралари киритиб борилади.

Бухоро вилоятидаги ёпиқ муассасаларга мониторинг ташрифлари 16 октябрь куни ҳам давом этади.

Олий Мажлиснинг Инсон ҳуқуқлари бўйича вакили (омбудсман) Ахборот хизмати