Хусусан, мастлик ҳолатида бўлмаган уч нафар шахс пунктда етарли асосларсиз ушлаб турилган. Ушбу ҳолат ўрганилганида, мазкур шахслар махсус қабулхонага жойлаштириш тўғрисидаги суд қарори чиқарилгунга қадар профилактика инспекторлари томонидан пунктга олиб келинган ва ушбу пунктда ушлаб турилгани маълум бўлди.

Мазкур ҳолат юзасидан Ўзбекистон Республикаси Бош прокуратурасига Омбудсманнинг талабномаси киритилди.

Қорақалпоғистон Республикаси прокуратурасининг маълум қилишича, талабнома асосида хизмат текшируви ўтказилиб, бир нафар профилактика инспекторига интизомий жазо қўлланилган. Яна икки нафар профилактика инспекторининг жавобгарлик масаласини Интизомий кенгашда кўриб чиқиш белгиланган.

Шунингдек, тўпланган ҳужжатлар терговга қадар текширув ўтказиш учун Нукус тумани прокуратурасига юборилган.

Олий Мажлиснинг Инсон ҳуқуқлари бўйича вакили (омбудсман) Ахборот хизмати