Тадбирда Қорақалпоғистон Республикаси Ички ишлар вазирлиги, Оила ва хотин-қизлар қўмитаси, Камбағалликни қисқартириш ва бандлик соҳаси вакиллари, шунингдек Қорақалпоқ давлат университетининг психолог мутахассислари иштирок этди.

Учрашув давомида тазйиқ ва зўравонликдан жабрланган хотин-қизлар билан очиқ мулоқот ўтказилиб, аниқ ҳолатлар атрофлича кўриб чиқилди. Шунингдек, ижтимоий хизматлар, ҳуқуқни муҳофаза қилувчи органлар ва бошқа масъул тузилмаларнинг ўзаро ҳамкорлиги масалалари муҳокама қилинди.

Шунингдек, Омбудсманнинг Қорақалпоғистон Республикасидаги минтақавий вакилининг шахсий қабули ўтказилиб, жабр кўрган хотин-қизларнинг мурожаатлари тингланди ва ҳуқуқий маслаҳатлар берилди. Психолог мутахассислар томонидан эса улар билан якка ва жамоавий тартибда ишланиб, зарур психологик ёрдам кўрсатилди.

Олий Мажлиснинг Инсон ҳуқуқлари бўйича вакили (омбудсман) Ахборот хизмати