Тадбирда Австралия, Бахрайн, Фаластин, Фиджи, Ҳиндистон, Индонезия, Ироқ, Жанубий Корея, Малдив, Малайзия, Мўғулистон, Непал, Уммон, Шри-Ланка, Янги Зеландия каби давлатларнинг инсон ҳуқуқлари бўйича миллий институтлари раҳбарлари ва вакиллари ҳам қатнашишди.

Халқаро тадбирда иштирокчиларга Ўзбекистонда хотин-қизлар ҳуқуқларини таъминлаш, уларни қўллаб-қувватлаш бўйича шакллантирилган ҳуқуқий, институционал ва амалий механизмлар ҳақида маълумот берилди. Шунингдек, Ўзбекистон Республикаси Олий Мажлисининг Инсон ҳуқуқлари бўйича вакили (Омбудсман) ташаббуси билан амалга оширилаётган “Тенглик ва ҳурмат” платформаси доирасида аёлларга ҳуқуқий, психологик ҳамда ижтимоий ёрдам кўрсатишга қаратилган чора-тадбирлар ҳақида иштирокчилар хабардор қилинди.