Шу сабабли, 2024 йилдан бошлаб Ўзбекистон Республикаси Олий Мажлиснинг Инсон ҳуқуқлари бўйича вакили (Омбудсман) ташаббуси билан мурожаат этиш ҳуқуқининг амалда қандай таъминланаётганини ўрганиш мақсадида пробация назоратидаги шахслар ўртасида аноним сўровлар ўтказиш амалиёти йўлга қўйилди.

Нега айнан пробация назоратидаги шахслар?

Аноним сўровлар жазо муддатини ўтаб, жамиятга қайтган, ҳозирда пробация хизмати назоратида турган фуқаролар ўртасида ўтказилди. Бу ҳолат сўров натижаларини холис баҳолаш имконини яратади. Озодликка чиққан шахслар  шахсий тажрибасига таяниб, ўз кўрган-кечирганларини эркин ифода қилади.

2024 йилда Омбудсманнинг минтақавий вакиллари ҳамда Ички ишлар органлари Пробация хизмати ҳамкорлигида барча ҳудудлардаги 2213 нафар фуқаро иштирокида сўровлар ўтказилди. 29 ҳолатда маҳкумлар мурожаатларни юборишда ноқулайликлар мавжудлигини билдирган. 30 ҳолатда “Омбудсман қутиси” қулай жойда эмаслиги ёки видеокузатув остида экани айтиб ўтилган.  Қолган аноним сўров иштирокчилари эса мурожаат этиш ҳуқуқидан фойдаланишда ҳеч қандай тўсиқлар мавжуд эмаслигини маълум қилишган.

Ушбу сўров натижалари асосида Ўзбекистон Республикаси Ички ишлар вазирига Омбудсман хулосаси киритилган. Унга мувофиқ, “Омбудсман қути”лари жойлашган жойлар видеокузатув камераларидан холи ҳудудга кўчириб чиқилгани текширилган. Тегишли муассасаларда тушунтириш ишлари олиб борилган ҳамда 41 та жазони ижро этиш муассасасида 18 мингдан ортиқ маҳкум иштирокида аноним сўровлар ўтказилган.

Пробация назоратида турган фуқаролар ўртасида ҳаракатланиш эркинлиги чекланган шахслар сақланадиган муассасалардаги шaроитлар бўйича аноним сўровлар 2025 йилда ҳам ўтказилиши маълум қилинади.

Олий Мажлиснинг Инсон ҳуқуқлари бўйича вакили (омбудсман) Ахборот хизмати