Омбудсманнинг сўровига кўра, мурожаат Иқтисодиёт ва молия вазирлиги ҳузуридаги Буджетдан ташқари Пенсия жамғармаси вакиллари иштирокида қайта ўрганилди. Ушбу ўрганиш давомида фуқаронинг иш стажига оид архив ҳужжатларидаги маълумотларнинг ноаниқ киритилгани сабабли унинг ойлик иш ҳақи маълумотлари пенсия ҳужжатига киритилмагани аниқланди.

Ўрганиш натижаларига кўра, Пенсия жамғармаси ходимлари томонидан фуқаронинг пенсия иши 2015 йил 1 августдан бошлаб қайта ҳисобланди. Натижада Ўзбекистон Республикаси "Фуқароларнинг давлат пенсия таъминоти тўғрисида"ги Қонунининг 59-моддаси асосида фуқарога тўланмаган салкам 49 млн сўм компенсация тўлаб берилди.

Олий Мажлиснинг Инсон ҳуқуқлари бўйича вакили (омбудсман) Ахборот хизмати