Qo‘qon shahar nogironligi bo‘lgan erkaklar uchun “Muruvvat” internat uyidagi sharoitlar o‘rganildi

Oliy Majlisning Inson huquqlari bo‘yicha vakili (ombudsman)ning Farg‘ona viloyatidagi mintaqaviy vakili A.Kamilov Qo‘qon shahar nogironligi bo‘lgan erkaklar uchun “Muruvvat” internat uyiga monitoring tashrifini amalga oshirdi. Unda O‘zbekiston kasaba uyushmalari Federatsiyasining Farg‘ona viloyati Kengashi vakili ham ishtirok etdi.

Monitoring tashrifi davomida internat uyida yashovchi shaxslarning yashashi, ovqatlanish, tibbiy xizmatdan foydalanish sharoitlari, uchrashuv va yuvinish xonalarining holati o‘rganildi.

Monitoringda internatda yashayotganlar uchun noqulayliklar tug‘dirayotgan holatlar aniqlanib, bartaraf etildi. Shuningdek, ushbu muassasada ishlovchi xodimlardan birining buzilgan mehnat huquqlari tiklandi.

Oliy Majlisning Inson huquqlari bo‘yicha vakili (ombudsman) Axborot xizmati