Mazkur uchrashuvda dastlab O‘zbekistonda inson huquqlarini taʼminlash borasida amalga oshirilayotgan islohotlar, xususan Ombudsman instituti faoliyati, uning qonunchilik bazasi va vakolatlari to‘g‘risida vatandoshlarga maʼlumot berildi.

O‘tkazilgan uchrashuv davomida hamyurtlarimiz taʼlim olish, tibbiy yordam ko‘rsatish, fuqarolikni rasmiylashtirish, til kurslarini tashkil etish kabi masalalarda murojaat qilishdi. Uchrashuvda fuqarolarga ko‘mak ko‘rsatilishi taʼkidlandi va ushbu masalalarning barchasi Oliy Majlisnin Inson huquqlari buyicha vakili (ombudsman) hamda O‘zbekistonning Turkiyadagi elchixonasi tomonidan belgilangan tartibda o‘rganib chiqilishi bildirildi.

Eslatib o‘tamiz, 2021 yilda Oliy Majlisning Inson huquqlari bo‘yicha vakili (ombudsman) hamda Turkiya Parlamentining bosh Ombudsmani bilan o‘zaro hamkorlik memorandumi imzolangan. Ushbu hujjat doirasida Turkiyada yashayotgan O‘zbekiston Respublikasi fuqarolari murojaatlarini ko‘rib chiqish va ularning muammoli masalalarini bartaraf etish choralarini ko‘rish masalalari ham belgilab olingan.

Oliy Majlisning Inson huquqlari bo‘yicha vakili (ombudsman) Axborot xizmati