Мазкур ҳолат Олий Мажлиснинг Инсон ҳуқуқлари бўйича вакили (омбудсман) томонидан назоратга олинди.

Омбудсманнинг Бухоро вилоятидаги минтақавий вакили “Ўзбекистон Республикаси Олий Мажлисининг Инсон ҳуқуқлари бўйича вакили (омбудсман) тўғрисида”ги Қонунига мувофиқ жойига чиққан ҳолда ўрганиш ишларини амалга оширди. Ўрганиш давомида мурожаатда кўрсатилган шахс билан ҳоли тарзда суҳбат ўтказилди, унинг сақланиш шароитлари, мурожаатда келтирилган важлар, шунингдек, танасида тан жароҳатлари аломатлари мавжуд ёки мавжуд эмаслиги ҳолати ўрганилди.

Маълум қилинишича, ҳолат юзасидан 4-сон Тергов ҳибсхонасининг айрим ходимларига нисбатан терговга қадар текширув ҳаракатлари бошланган. Шунингдек, мурожаатда кўрсатилган шахсга нисбатан суд-тиббий экспертиза тайинланган.

Ўрганиш давомида тўпланган хужжатлар Жиноят-процессуал кодекси талаблари асосида процессуал тартибда кўриб чиқиш учун Бухоро вилояти прокуратурасига тақдим этилди.

Омбудсман мазкур ҳолат юзасидан ўрганиш натижаларини ваколати доирасида назорат қилиб боради.

Олий Мажлиснинг Инсон ҳуқуқлари бўйича вакили (омбудсман) Ахборот хизмати