Хусусан, электрон аукционда иштирок этиш мақсадида тўланган 13,8 млн сўм маблағи банк ҳисоб рақамига қайтарилган бўлса-да, мурожаатчига амалда пул ўтказилмагани бўйича йўлланган шикоят жойида ҳал этилди. Минтақавий вакилнинг саъй-ҳаракатлари билан маблағ фуқарога тўлиқ қайтарилди.

Шу каби ўрганишлар Омбудсманнинг Наманган ва Андижон вилоятлари ҳамда Тошкент шаҳридаги минтақавий вакиллари томонидан ҳам амалга оширилди.

Ушбу мурожаатларда ижтимоий таъминот, уй-жой, қурилиш ишларидан норозилик, маҳбуснинг ижтимоий таъминотига оид масалалар кўтарилган бўлиб, улар ишчи гуруҳ тузилган ҳолда ўрганилди.

Қайд этиш лозимки, мурожаатларда кўтарилган масалалар бўйича маълумотлар етарли бўлмаганида ҳамда аниқлаштириш лозим бўлган ҳолатлар мавжуд бўлганида жойига чиқиб ўрганишлар ташкил этилади.

Мазкур шикоятларнинг айримлари масала ўрганилаётган жойнинг ўзида ҳал қилинган бўлса, қолган мурожаатлар бўйича тегишли ҳужжатлар тўпланмоқда ва улар бўйича ўрганиш ишлари давом эттирилмоқда. Ўрганиш натижаларига бўйича тегишли таъсир ҳужжати тайёрланади.

Олий Мажлиснинг Инсон ҳуқуқлари бўйича вакили (омбудсман) Ахборот хизмати