Инсон ҳуқуқлари бўйича Омбудсманнинг Қашқадарё вилоятидаги минтақавий вакили мурожаат жойига бориб, фуқаро Эркин Хасанов билан учрашди ҳамда иш бўйича суд қарорлари таҳлил этилди. Маълум бўлишича, фуқаро яшаган уй 2021 йилда авария ҳолатида деб топилиб, ҳокимият вакилларининг оғзаки ваъдасига ишониб фуқаро томонидан бузилган. Суднинг дастлабки босқичларида фуқарога компенсация тўлаш ҳақида қарорлар чиқарилган бўлса-да, 2024 йилда Қашқадарё вилояти судининг тафтиш инстанцияси уларни бекор қилган. Шунингдек, фуқарога маҳаллий ҳокимият томонидан қурилиш материаллари ва муайян миқдорда пул маблағи ажратилгани аниқланди.

Ўрганиш натижалари ҳамда ҳозирги ҳолатдан келиб чиқиб, мазкур масаланинг ҳал этилиши суд тартибида, яъни Э.Хасановнинг ўзи томонидан Олий суднинг Фуқаролик ишлари бўйича судлов ҳайъатига тафтиш тартибида шикоят киритиш орқали амалга оширилиши мумкинлиги тўғрисида фуқаронинг ўзига тушунтирилди.

Олий Мажлиснинг Инсон ҳуқуқлари бўйича вакили (омбудсман) Ахборот хизмати