Tibbiy ko‘rikka Qoraqalpog‘iston Respublikasi  Sog‘likni saqlash vazirligining malakali shifokorlari terapevt, xirurg, nevropatolog, LOR, okulist, stomatolog, kardiolog, endokrinolog, akusher-ginekolog hamda UTT mutaxassislari jalb qilindi.

Profilaktik tibbiy tekshiruvlar natijasiga ko‘ra, 5 nafar shaxsga tarqoq buqoqning 2-bosqich, 6 nafar shaxsga qandli diabet, 23 nafar shaxsga gipertoniya kasalligi, yurakning ishimik kasalligi, stenokardiya, 11 nafar shaxsga diuyerkulyator ensefalopatiya, 7 nafar shaxsga vegeto-tomir distoyanisi aralash tipi, 4 nafar shaxsga surunkali otit,  3 nafar shaxsga qorinning oq chizig‘i churasi, 2 nafar shaxsga bavosil tashhislari qo‘yildi.

Shuningdek, 5 nafar shaxsga ko‘z kasalliklari bo‘yicha ko‘zoynaklar korreksiya qilinib, muolajalar buyurildi.

Tibbiy ko‘rik natijalari bo‘yicha 22 nafar shaxsga ambulator tartibda davolanishi, 5 nafarga qo‘shimcha tekshiruv tavsiya etildi, shuningdek, 18 nafar shaxsga olayotgan muolajalariga qo‘shimcha dori-darmonlar yozib berilgan bo‘lsa, 3 nafariga jarrohlik amaliyotini o‘tkazish tavsiyasi berildi.

Bundan tashqari, Ombudsmanning mintaqaviy vakili mazkur hibsxonada saqlanayotgan shaxslar fikrlarini o‘rganib, ular murojaatlarini qabul qildi.

Oliy Majlisning Inson huquqlari bo‘yicha vakili (ombudsman) Axborot xizmati