Dispanser 500 o‘ringa mo‘ljallangan bo‘lib, monitoring kunida u yerda 467 nafar bemor davolanayotganligi maʼlum bo‘ldi.

Kuzatuv davomida dispanserdagi bemorlar yotoq joylari va yuvinish xonalarining sanitariya-gigiyena talablariga javob berishi, davolanayotganlarning muolajalari o‘z vaqtida bo‘layotganligi, tibbiyot bo‘limidagi dori-darmonlarning yaroqliligi talab darajasida ekanligi, yaqin qarindoshlar bilan uchrashish xonalarida barcha sharoitlar yaratilganligi hamda davolanayotganlarga issiq taomlar kundalik taomnoma asosida autsorsing xizmati orqali taʼminlanayotganligi aniqlandi.

Shu bilan bir qatorda, jamoatchilik guruhi aʼzolari tomonidan dispanserda davolanayotganlar bilan jamoaviy suhbatlar o‘tkazildi, shuningdek ikki nafar davolanayotgan shaxs Ombudsmanning mintaqaviy vakili tomonidan yakka tartibda qabul qilindi.

Oliy Majlisning Inson huquqlari bo‘yicha vakili (ombudsman) Axborot xizmati