Мониторинг ташрифларида қайд этилган муассасаларда сақланаётган шахсларнинг ётоқ жойлари, ювиниш хоналари, ошхона, тиббиёт бўлими, озиқ-овқат маҳсулотлари ва дори-дармон воситалари билан таъминланганлиги ва сақлаш шароитлари, кутубхона, маданий дам олиш, телефон орқали сўзлашув, узоқ ва қисқа муддатли учрашув ҳамда тинтув, тергов ва адвокатлар хоналари ҳамда сайилгоҳдаги шарт-шароитлар, муассасалар ҳудудида ўрнатилган видеокузатув камераларининг ҳолати кўздан кечирилди.

Ўрганиш жараёнида айрим камчиликлар аниқланди. Хусусан, Жалақудуқ туманидаги Республика ихтисослаштирилган наркология илмий-амалий марказида ўрнатилган махсус чақирув тугмаси орқали қўриқлаш хизмати чақирилганида, ушбу хизматнинг масъул ходимлари етиб келмаган.

Шунингдек, қўриқлаш хизмати 12 соатлик хизмат режими тартибига ўзгаргани айрим қийинчиликларни келтириб чиқараётгани маълум бўлди. Хусусан, ушбу Марказ ходимлари маст ҳолатда бўлган шахслар томонидан жанжалли вазиятлар юзага келаётган кўп ҳолларда қўриқлаш ходимлари ишда бўлмаслигини таъкидлаб, қўриқлаш пунктида 24 соатлик хизмат режимини жорий этиш таклифини билдиришди.

 “Омбудсман қути”ларида қолдирилган ҳамда ҳоли тарзда ўтказилган қабуллар орқали келиб тушган мурожаатлар назоратга олинди. Айрим мурожаатлар бўйича жойида ҳуқуқий тушунтиришлар берилди.

Мониторинг якунларига кўра аниқланган камчиликлар бўйича тегишли вазирлик ва идораларга Омбудсман таъсир чоралари шаклидаги ҳужжатлар киритилган.

Олий Мажлиснинг Инсон ҳуқуқлари бўйича вакили (омбудсман) Ахборот хизмати