Қонун лойиҳаси тергов ҳибсхоналарида сақланаётган шахслар ҳуқуқларини таъминлашга доир амалдаги ҳуқуқий механизмларни такомиллаштириш, конституциявий кафолатларни амалиётга янада самарали татбиқ этиш ҳамда миллий қонунчиликни илғор халқаро тажрибалар билан уйғунлаштиришга қаратилган.
Лойиҳани ишлаб чиқиш жараёнида Омбудсман институти томонидан амалга оширилган мониторинг ташрифлари ва маҳбуслар мурожаатлари ўрганилиб, мавжуд тартиб-қоидалар таҳлил этилди. Шунга мувофиқ, тергов ҳибсхоналаридаги айрим амалиётларни қайта кўриб чиқиш ва уларни инсон ҳуқуқларига оид халқаро мезонларга мувофиқлаштириш бўйича нормалар таклиф этилди.
Қонун лойиҳасини тайёрлашда АҚШ, Швеция, Норвегия, Финландия, Германия, Канада, Буюк Британия, Россия ва Қозоғистон каби қатор давлатларнинг тажрибалари ўрганилди.
Олий Мажлиснинг Инсон ҳуқуқлари бўйича вакили (омбудсман) Ахборот хизмати.
