2025 йил 2 декабрь куни Олмазор туманидаги 100-сонли таянч ҳаракати шикастланган болалар учун ихтисослаштирилган мактаб-интернатида ўтказилган мазкур саралашда 50 нафарга яқин ўқувчи иштирок этди. Улар ҳуқуқ соҳасига оид 30 та тест саволига жавоб бериб, ўз билимларини синовдан ўтказдилар.

Тест натижаларига кўра, энг юқори балл тўплаган 3 нафар ўқувчи финалга чиқди. Улар “Ҳуқуқ билимдони” викторинасининг 2-босқичида — финал босқичида иштирок этиш ҳуқуқини қўлга киритишди.

Шунингдек, викторинанинг биринчи босқичи яқин кунларда яна икки таълим муассасасида — Ангрен шаҳридаги 34-сон ихтисослаштирилган мактаб-интернати ҳамда Қўқон шаҳридаги 9-сон ихтисослаштирилган мактаб-интернатларида ўтказилиши режалаштирилган.

Олий Мажлиснинг Инсон ҳуқуқлари бўйича вакили (омбудсман) Ахборот хизмати.