2024 йил 20 декабрь куни Наманган вилояти Поп туманида жойлашган 6-сон Жазони ижро этиш колониясида навбатдаги “Ошпазлик” йўналиши бўйича ўқув курсини тамомлаган маҳкумлар ўртасида мусобақа ташкил этилди. Мусобақа Омбудсманнинг Наманган вилоятидаги минтақавий вакили ташаббуси билан колония маъмурияти билан келишилган ҳолда Республика Маънавият ва маърифат маркази, Ёшлар ишлари агентлиги, Наманган вилояти “Ошпазлар” жамияти ҳамкорлигида ўтказилди.

Унда маҳкумлар  миллий, уйғур ва хориж таомлари ҳамда турли хил салатлар тайёрлашди. Мусобақа якунларига кўра, ғолиблар аниқланиб, улар рағбатлантириш рўйхатига киритилди. Шунингдек, 1 ойлик курсни тамомлаган 70 нафар маҳкумга сертификатлар топширилди.

Мусобақадан сўнг Омбудсманнинг Наманган вилоятидаги минтақавий вакили ушбу колониядаги маҳкумлар билан жамоавий ва якка тартибда суҳбатлашди. Шу куни “Омбудсман қути”сига келиб тушган мурожаатлар муаллифлари билан ҳам суҳбатлашилди.

Олий Мажлиснинг Инсон ҳуқуқлари бўйича вакили (омбудсман) Ахборот хизмати