Мониторинг ташрифи давомида диспансердаги беморларнинг яшаш, тиббий хизматдан фойдаланиш ва овқатланиш шароитлари, шунингдек озиқ-овқат маҳсулотлари ҳамда дори-дармон воситалари сақланадиган хоналарнинг ҳолати ўрганилиб, у ерда даволанаётган шахслар ҳамда вояга етмаган беморларнинг яқин қариндошлари билан якка тартибда суҳбатлар ўтказилди.
Ўрганиш давомида Наркология илмий-амалий тиббиёт марказининг Андижон вилояти минтақавий филиали ушбу диспaнсерга вақтинча кўчирилганлиги сабабли муассасаларда даволанаётган беморларга “Баҳор лоласи” МЧЖ томонидан ҳам озиқ-овқатлар тайёрланиб, етказилаётганлиги маълум бўлди.
Олий Мажлиснинг Инсон ҳуқуқлари бўйича вакили (омбудсман) Ахборот хизмати
