2024 йилнинг 17 май куни Олий Мажлиснинг Инсон ҳуқуқлари бўйича вакили (Омбудсман)нинг Сирдарё вилоятидаги минтақавий вакили ва 3-минтақавий мувофиқлаштириш маркази 8-сон тергов ҳибсхонаси билан ҳамкорликда мазкур муассасадаги жазо муддатини ўтаётган шахслар ўртасида “Заковат” интеллектуал ўйини ташкил этилди.
Мазкур танлов 6 хил йўналишдаги саволлар, жумладан мантиқий, географик, адабиёт, тарихий кашфиётлар, рус тили ва дунёвий билимлар бўйича ўтказилди.
Қизғин муҳокама ва савол-жавобларга бой тарзда ўтган танлов якунида иштирокчилар “Энг яхши жамоа” ҳамда жамоалар ўртасида “Энг фаол иштирокчилар” номинацияси бўйича тақдирландилар.
Олий Мажлиснинг Инсон ҳуқуқлари бўйича вакили (омбудсман) Ахборот хизмати
