Ушбу ҳолатларни бартараф этиш юзасидан Соғлиқни сақлаш вазирлигига киритилган тақдимномалар асосида тегишли чора тадбирлар амалга оширилди. Жумладан, Тахиатош туманида жойлашган филиалнинг биноси эскирганлиги, бугунги кунда беморларни сақлашда ва даволашда антисанитар ҳолатга келганлигини инобатга олиниб, беморлар Қорақалпоғистон Республикаси Соғлиқни сақлаш вазирлигининг 2024 йил 3 июль кунги буйруғига асосан, Нукус туманида жойлашган бўш бинога кўчирилди.
Куни кеча Омбудсманнинг Қорақалпоғистон Республикасидаги минтақавий вакили ушбу муассасага мониторинг ташрифини амалга оширди. Мониторингда беморларга яшаш, овқатланиш, сайр қилиш, тиббий хизматдан фойдаланиш ва бошқа шароитлар ўрганилди ва шароитларнинг яхшилангани аниқланди.
Республика ихтисослаштирилган наркология илмий-амалий тиббиёт марказининг Қорақалпоғистон Республикаси минтақавий филиали директори ўз вазифасини лозим даражада бажармагани учун эгаллаб турган лавозимидан озод этилди.
Олий Мажлиснинг Инсон ҳуқуқлари бўйича вакили (омбудсман) Ахборот хизмати
