Ўз жонига қасд қилингани айтилаётган маҳкум ҳолати Омбудсман томонидан ўрганилмоқда

Ижтимоий тармоқларда Намангандаги қамоқхонада маҳкум ўз жонига қасд қилгани ҳақида хабар тарқалди. Унда марҳумнинг онаси томонидан ўғлининг танасида қийноқ излари борлиги қайд этилганлиги маьлум қилинган.

Мазкур ҳолат Олий Мажлиснинг Инсон ҳуқуқлари бўйича вакили (омбудсман) назоратига олинди. Ҳозирда ҳолат Омбудсманнинг Наманган вилоятидаги минтақавий вакили томонидан жойига бориб ўрганилмоқда.

Ўрганиш якунлари бўйича жамоатчиликка қўшимча маълумот берилади.

Олий Мажлиснинг Инсон ҳуқуқлари бўйича вакили (омбудсман) Ахборот хизмати